TEFL (Teaching English as a Foreign Language) - ეს ტერმინი აღნიშნავს ინგლისური ენის სწავლებას ადამიანებისთვის ისეთ ქვეყნებში, სადაც ინგლისური ენა არ არის მათთვის მშობლიური ენა - ანუ იგი მათთვის უცხო ენაა. მაგალითად, როცა თქვენ ასწავლით ინგლისურ ენას ბრაზილიაში ბრაზილიელ სტუდენტებს.

TESL (Teaching English as a Second Language) ეს ტერმინი გულისხმობს ინგლისურის სწავლებას ისეთ ქვეყნებში, სადაც ინგლისური მშობლიური ენაა. ასეთი შემთხვევაა, როცა მაგალითად, თქვენ ხართ მასწავლებელი ინგლისური ენის ცენტრში ამერიკაში და ასწავლით სხვადასხვა ქვეყნებიდან ჩამოსულ სტუდენტთა ჯგუფს. თუმცა ეს ტერმინი პრაქტიკაში ხშირად არც კი გამოიყენება, უფრო მეტად ხმარობენ ტერმინს ESL, ან „ESL სტუდენტები“, რაც აღნიშნავს სტუდენტებს, რომლებიც სწავლობენ ინგლისურს, როგორც მეორე ენას.

TESOL (Teaching English to Speakers of Other Languages) - ეს ტერმინი აღნიშნავს ინგლისური ენის ორი ტიპის სწავლებას - იმ ქვეყანაში, სადაც ინგლისური ენა მშობლიურ ენას არ წარმოადგენს (EFL) და ასევე იმ შემთხვევას, როცა ქვეყანაში მშობლიური ენა ინგლისურია (ESL). ეს ტერმინი ხშირად გამოიყენება TEFL- თან ერთად.

ELT (English Language Teacher) - ეს ტერმინი ასევე ფართოდ იხმარება. როგორც TESOL, იგი ასევე აღნიშნავს პიროვნებას, რომელიც ასწავლის ინგლისურ ენას სხვა ენაზე მოლაპარაკე ადამიანებს, მნიშვნელობა არა ქვს საკუთარ ქვეყანაში, საზღვარგარეთ თუ ონლაინ რეჟიმში.

გახდით ეფექტიანი ინგლისურის მასწავლებელი - სხვა ადამიანებისათვის ინგლისური ენის ეფექტური სწავლება ბევრად უფრო მეტ უნარებს მოითხოვს, ვიდრე უბრალოდ ინგლისურ ენაზე გამართულად საუბარი. TEFL სერტიფიცირების კურსი თქვენ შეგასწავლით საწყის ცოდნას, როგორიცაა მიზნის დასახვა და გაკვეთილის დაგეგმვა, ინგლისური ენის გრამატიკის ნიუანსები, აგრეთვე სტუდენტთა ქცევების მართვა. ყველა ეს ცოდნა კი გამოგადგებათ, რათა წარმატებით ასწავლოთ სტუდენტებს.

იმოგზაურეთ სხვადასხვა ქვეყნებში და გამოიმუშავეთ ფული - თქვენი პასპორტი იქნება მსოფლიოში აღიარებული TEFL/TESOL სერტიფიკატი, რომელიც მოგცემთ შესაძლებლობას ლეგალურად იცხოვროთ და იმუშაოვოთ სხვა ქვეყანებში. როგორც TEFL/TESOL მასწავლებელი, შეგიძლიათ უფრო ღრმად გაეცნოთ მასპინძელი ქვეყნის კულტურას, იცხოვროთ და გახდეთ იმ ქვეყნის საზოგადოების წევრი. TEFL/TESOL სერტიფიცირებულ მასწავლებელს ასევე შეუძლია ასწავლოს ინგლისური ენა ონლაინ რეჟიმში.

გაამდიდრეთ თქვენი რეზიუმე - ერთის მხრივ TEFL/TESOL სერტიფიკატი დაგეხმარებათ ადვილად იშოვოთ ინგლისური ენის მასწავლებლის სამუშაო ადგილი, მეორეს მხრივ, ის წარმოადგენს თქვენი, როგორც პედაგოგის პროფესიული განვითარების შესაძლებლობას, რაც აისახება თქვენს CV-ში. ასევე თქვენ შეგიძლიათ აირჩიოთ TEFL/TESOL ტრენინგის რომელიმე სპეციალიზაცია, მაგალითად - ბავშვებისთვის/მოზარდებისთვის ინგლისური ენის სწავლება, ონლაინ სწავლება, ან ბიზნეს ინგლისურის სწავლება.

კარიერული წინსვლა - დამსაქმებლები სხვადასხვა სფეროში აფასებენ ისეთ კანდიდატებს, რომლებიც არიან მოქნილნი, ავლენენ ინიციატივის უნარს და შეუძლიათ ახალ სიტუაციებთან ადაპტირება - ამ უნარების განვითარება შეგიძლიათ TEFL / TESOL სერტიფიკატის აღებისა და შემდეგ ინგლისური ენის სწავლების დროს, როგორც საზღვარგარეთ, ისე საკუთარ სამშობლოში.

შეცვალეთ თქვენი ცხოვრება - არა აქვს არანაირი მნიშვნელობა, ხართ თუ არა ახალად კურსდამთავრებული, პროფესიონალი თუ უბრალოდ ხართ ადამიანი, რომელსაც სურს მიიღოს გამოცდილება და შეიცნოს უცხო ქვეყნების კულტურა, TEFL / TESOL გაძლევთ ყოველივე ამის შესაძლებლობას. შეხედეთ სამყაროს ახლებურად - ეს მოგცემთ უფრო ფართო და გლობალურ პერსპექტივას თქვენს ცხოვრებაში.

შეცვალეთ მსოფლიო - და ბოლოს, TEFL / TESOL -ის დახმარებით თქვენ შეგიძლიათ მისცეთ ინგლისური ენის ცოდნა მთელს მსოფლიოში ადამიანებს, რომლებიც თავის მხრივ შეძლებენ იშოვონ უკეთესი სამსახური ან მიაღწიონ აკადემიურ თუ პირად მიზნებს. ინგლისურის ცოდნა ასევე საშუალებას მისცემს მათ უფრო ეფექტურად ჩაერთონ გლობალურ საზოგადოებაში და გამოხატონ საკუთარი აზრი საერთაშორისო ფორუმებზე, ეს იქნება თქვენი წვლილი - მულტიკულტურული კომუნიკაციის და კულტურული ტოლერანტობის განვითარების საქმეში.

TEFL ონლაინ კურსები ერთმანეთისგან განსხვავდება ტრენინგის საათების მიხედვით. თქვენ შეგიძლიათ აირჩიოთ 40, 60, 100, 120 ან თუნდაც 150 საათიანი კურსი. TEFL / TESOL ონლაინ სერტიფიკაციისთვის არჩეული საათების რაოდენობა დამოკიდებულია თქვენი ცოდნის დონეზე, გამოცდილებასა და სამიზნე ქვეყანაზე. გაითვალისწინეთ, რომ ინგლისურის ენის სკოლების უმეტესობა მთელს მსოფლიოში ითხოვს, რომ მასწავლებლებს გავლილი ჰქონდეთ TEFL / TESOL სერთიფიცირების მინიმუმ 120 საათიანი კურსი.

TEFL / TESOL ონლაინ კურსის არჩევისას ასევე მნიშვნელოვანია გაითვალისწინოთ თქვენთვის სასურველი კურსის ტიპი. თუ თქვენ დამოუკიდებლად შეგიძლიათ სწავლა, მაშინ TEFL-ის თვით-შესწავლითი და გრაფიკის გარეშე ონლაინ კურსი იქნება თქვენთვის მოსახერხებელი ვარიანტი. თუ, TEFL / TESOL-ის ტრენინგის მსვლელობისას გსურთ უფრო მეტი რეჟიმი და ტემპი, მაშინ გირჩევნიათ დარეგისტრირდეთ იმ ჯგუფში, რომელსაც უძღვება ინსტრუქტორი და მეცადინეობა ყოველკვირეული გრაფიკით ტარდება.

უმეტეს შემთხვევაში ონლაინ TEFL/TESOL კურსებს არა აქვთ არანაირი წინასწარი მოთხოვნები; კურსის გავლა შეუძლია ყველას, ვინც ფლობს სასაუბრო ინგლისურ ენას საშუალო ან მაღალ დონეზე და აქვს ამ ენის სხვა ადამიენებისთვის სწავლების სურვილი. ძირითადი მოთხოვნებია:

• მინიმალური ასაკი 18 წელი;
• უმაღლესი სასწავლებლის დამთავრების დიპლომი;
• ინგლისურის ენის ცოდნის დონე საშუალო ან მაღალი (მინიმუმ B1 რაც შეესაბამება IELTS 5.0).

TEFL სასერთიფიკატო კურსის ხანგრძლივობა დამოკიდებულია რამოდენიმე ფაქტორზე, როგორებიცაა, მაგალითად - არის თუ არა კურსი თვითშესწავლითი, რამდენ საათიანი კურსი გაქვთ არჩეული და კვირაში რამდენ საათს უთმობთ მას.

თვით-შესწავლითი ონლაინ კურსების შემთხვევაში (კურსების უმეტესობა სწორედ ასეთია) თქვენ შეგიძლიათ შეხვიდეთ საიტზე სისტემაში და იმუშაოთ კურსზე დამუკიდებლად, თქვენთვის მოსახერხებელ დროს.

რაც უფრო მეტ საათიან კურსს აირჩევთ, მით უფრო მეტი დრო დასჭირდება თქვენი კურსის დასრულებას. მაგალითად, საწყისი სერთიფიკატის კურსი, რომელიც მოიცავს მხოლოდ 40 საათს შეიძლება დასრულდეს ერთ ან ორ კვირაში, ხოლო უფრო სრულყოფილ, 120-საათიან კურსს სჭირდება სულ მცირე, ოთხი კვირა. თვით-სწავლების კურსებზე, როგორც წესი სტუდენტებს აქვთ მასალებთან წვდომა 3 თვის განმავლობაში, თუმცა მრავალი სტუდენტი ასრულებს ამ ვადაზე ადრე. მეორეს მხრივ, ზოგიერთ TEFL/TESOL კურსს აქვს დაწყების და დასრულების ფიქსირებული თარიღები. ასეთ კურსებზე მეცადინეობა მიმდინარეობს ყოველ კვირა, ინსტრუქტორის ხელმძღვანელობით.

TEFL სერტიფიცირებისთვის სწავლება ონლაინ რეჟიმში დამოკიდებულია რამდენიმე ფაქტორზე, როგორიცაა: არჩეული საათების რაოდენობა, კურსის ხარისხი, რეპეტიტორის ჩართულობის დონე და კურსი გათვლილია თვით-სწავლებაზე თუ მიმდინარეობს ინსტრუქტორის ხელმძღვანელობით.

ზოგადად რომ ვთქვათ, თვით-შესწავლითი TEFL/TESOL საწყისი კურსი ონლაინ რეჟიმში დაახლოებით $100-200 ღირს, იგივე სერტიფიცირება, ოღონდ 100 და მეტ საათიან კურსზე ღირს - $300-500. საათების ეს რაოდენობა სავსებით საკმარისია უმეტესი დამსაქმებელი სკოლებისათვის. ინსტრუქტორის მიერ ჩატარებული კურსი შედარებით უფრო ძვირია - $1,000-დან $1,500-მდე.

დიახ! აკრედიტირებული TEFL / TESOL სერტიფიკატი აღიარებულია მსოფლიოს სკოლებისა და ენების ცენტრების მიერ ისეთ რეგიონებში, როგორიცაა აზია, ლათინური ამერიკა და ევროპა. TEFL– ის სერტიფიცირებისა და ინგლისურის სწავლების დაგეგმვისას მნიშვნელოვანია იცოდეთ, რომ მასწავლებლების სამუშაოზე მიღებისას დამსაქმებლებმა შეიძლება მოითხოვონ TEFL/TESOL საათების გარკვეული რაოდენობა (როგორც წესი 100 ან მეტი საათი) და სხვა დამატებითი კვალიფიკაცია, მაგალითად, უნივერსიტეტის დიპლომი ან სწავლების გამოცდილება.

მნიშვნელოვანია დავრწმუნდეთ, რომ კურსი, რომელსაც ავირჩევთ იყოს აკრედიტირებული. აკრედიტაცია არის იმის გარანტია, რომ პროგრამა აკმაყოფილებს აკადემიურ და პროფესიონალურ სტანდარტებს. ასევე აკრედიტაცია მიუთითებს სკოლებს, რომ თქვენი სერტიფიკატი არის მაღალი კლასის, შემოწმებული და საერთაშორისოდ აღიარებული.

ალბათ გაგიკვირდებათ იმის გაგება, რომ TEFL / TESOL სერტიფიკაციის ყველა მომწოდებელი არ არის აკრედიტირებული! მაგრამ ეს აუცილებელად უნდა გაარკვიოთ, რადგან აკრედიტაცია არის იმის გარანტია, რომ შემოთავაზებული პროგრამები შესაბამება გარკვეულ აკადემიურ და პროფესიონალურ სტანდარტებს.

აკრედიტაცია ასევე ეუბნება სკოლას, რომლიც თქვენ აგიყვანთ მასწავლებლად, რომ თქვენ უბრალოდ კი არ გაიარეთ TEFL სერტიფიცირების კურსი, არამედ თქვენ გაიარეთ ნამდვილად მაღალი ხარისხის ტრენინგი და მიიღეთ სერტიფიკატი, რომელიც აღიარებულია საერთაშორისო დონეზე.

ონლაინ TEFL კურსის არჩევისას მნიშვნელოვანია გაითვალისწინოთ რამდენიმე ფაქტორი, როგორიცაა კურსის ფორმატი (თვით-სწავლება ან ინსტრუქტორის ხელმძღვანელობით სწავლება), საათების საერთო რაოდენობა, კურსის შინაარსი და მასწავლებლის ინტერაქტივობის დონე.

ფორმატი - ინგლისური ენის პედაგოგების დიდი უმრავლესობის სერტიფიცირება ხდება TEFL / TESOL ონლაინ კურსების მეშვეობით, რადგან ონლაინ კურსებს აქვს ისეთი უპირატესობები, როგორიცაა კომფორტულობა და ხელმისაწვდომობა. ონლაინ კურსების უმეტესობა გათვლილია თვითსწავლებაზე, რაც იმას ნიშნავს, რომ თქვენი სურვილის მიხედვით შეგიძლიათ შეხვიდეთ სისტემაში და იმეცადინოთ საკუთარი გრაფიკით. მაგრამ ზოგიერთ TEFL / TESOL-ის ონლაინ კურსებს აქვთ უფრო სტრუქტურირებული ფორმატი, მათ აქვთ დაწყების და დასრულების ფიქსირებული თარიღები და დაჩქარებული სასწავლო გეგმა, შესაბამისად განსაზღვრულია დავალებების შესრულების ყოველკვირეული ვადებიც.

საათების რაოდენობა - TEFL / TESOL სასერთიფიკატო კურსები განსხვავდება სერტიფიკაციის კურსის საათების მიხედვით. მაგალითად, შეიძლება ნახოთ 40, 60, 100, 120 ან 150 საათიანი კურსები. ზოგადად ინგლისურენოვანი ენების სკოლებისთვის მთელ მსოფლიოში სტანდარტად ითვლება მინიმუმ 100 საათის დამადასტურებელი სერთიფიკატი, თუმცა ზოგიერთმა დამსაქმებელმა შეიძლება მოითხოვოს მეტი ან ნაკლები საათების რაოდენობა (მაგალითად, 120 საათი).

კურსის შინაარსი / სასწავლო გეგმა - TEFL / TESOL კურსი იძლევა ფუნდამენტალურ ცოდნას, რომელიც აუცილებელია ინგლისური ენის, როგორც უცხო ენის სწავლებისათვის. მაგალითად, სწავლების მეთოდოლოგია და სტრატეგია, გაკვეთილების დაგეგმვა, გრამატიკის ცოდნა და კლასის მართვა. ონლაინ პროგრამის საშუალებით ხდება ათვისებული მასალის შემოწმება პრაქტიკული სავარჯიშოებით, ონლაინ კითხვარებითა და წერითი დავალებებით.

ინსტრუქტორის ჩართულობა - საუკეთესო ონლაინ კურსებზე სწავლება ხორციელდება პერსონალური TEFL ინსტრუქტორის დახმარებით, რომელიც კურსის მიმდინარეობისას პასუხობს სტუდენტების შეკითხვებზე და იძლევა კონკრეტულ მითითებებს წერით სავარჯიშოებზე. გამოცდილი და კვალიფიცირებული ინსტრუქტორის შეფასებები, თავის მხრივ საშუალებას აძლევს მსმენელებს უკეთ განვითარონ თავანთი პროგრესი და ჩამოყალიბდნენ როგორც ინგლისურის მასწავლებლები.

კურსი არის ბუნებით ძალიან პრაქტიკული. მოდულები მოიცავს სწავლების ტექნიკასა და სტრატეგიებს, განსაკუთრებული ყურადღება ექცევა კომუნიკაციურ მიდგომებს ენის სწავლების პროცესში. თქვენ შეისწავლით: როგორ დაგეგმოთ გაკვეთილები და აიყვანოთ კლასი, როგორ დაიცვათ დისციპლინა და წესები თუ როგორ ასწავლოთ მოსწავლეებს ინგლისური ენის გრამატიკა, ლექსიკა, სუბარი, მოსმენა და წერა-კითხვა.

TEFL / TESOL კურსები ჩვეულებრივ მოიცავს მსგავს ფუნდამენტურ კონცეფციებს, როგორებიცაა:

• კლასის მართვა
• შეცდომების კორექცია
• ინფორმაციის მოძიება
• გაკვეთილის დაგეგმვა
• რეცეპტიული და პროდუქტიული აქტივობების სწავლება
• ფონოლოგია
• ლექსიკა
• გრამატიკის ანალიზი და სწავლება
• საუბარის სრულყოფა და განვითარება
• ტესტირება და პროფესიული განვითარება

კითხვა და ვიდეოების ყურება - TEFL / TESOL ონლაინ კურსები, როგორც წესი, წარმოგიდგენთ მასალას ტექსტის ან ვიდეოს სახით. მაგალითად, ეს შეიძლება იყოს ტექსტის და ვიდეოების კომბინაცია, სადაც შეგიძლიათ ნახოთ როგორ ასწავლიან TEFL-ის რეალური ინსტრუქტორები კლასში, ასევე შეიძლება იყოს ინტერაქტიული ტესტები თქვენი პროგრესის შესამოწმებლად და კითხვარები (როგორც პრაქტიკისთვის, ასევე შეფასებისთვის).

წერითი დავალებები - TEFL / TESOL ონლაინ კურსები, როგორც წესი, მოითხოვს მოკლე დავალებებს შესრულებას უკვე ნასწავლი მასალის გააზრების შესამოწმებლად. ამ წერით დავალებებში მსმენელებს შეიძლება სთხოვონ გააანალიზონ საუბრის რაღაც მონაკვეთი, შექმნან გაკვეთილის გეგმის ნიმუში ან ასახონ კურსის შინაარსის ასპექტები. კურსებზე თითოეულ მოდულში მოცემულია დავალებები და საჭიროა ამ დავალებების შესრულება.

პერსონალური ინსტრუქტორი - ზოგი TEFL / TESOL ონლაინ კურსები გულისხმობს ინსტრუქტორის ჩართულობას, თუმცა ამ ინსტრუქტორთან წვდომისა და ურთიერთქმედების დონე შეიძლება განსხვავდებოდეს. ზოგიერთ ონლაინ კურსებზე, ინსტრუქტორის მიერ ხდება მოდულებში წარმოდგენილი ესეებსა და გაკვეთილის გეგმების ნამუშევრების შეფასება. TEFL / TESOL-ის ინსტრუქტორები ასევე პასუხობენ სტუდენტების კითხვებს ელექტრონული ფოსტით ან სპეციალური შეტყობინების სისტემის საშუალებით, რომელიც განთავსებულია კურსის მთავარ გვერდზე.

სასწავლო პრაქტიკა - TEFL / TESOL– ის ზოგიერთი კურსი სთავაზობს ონლაინ ტრენინგთან ერთად დამატებით TEFL- ის პრაქტიკას. ამ შემთხვევაში სტუდენტები იღებენ პრაქტიკულ უნარ-ჩვევებს რეალურ კლასში, იმ თემებთან დაკავშირებით, რომლებიც მათ უკვე შეისწავლეს ონლაინ კურსის მიმდინარეობისას. მასწავლებლები ემზადებიან და ატარებენ პრაქტიკულ გაკვეთილებს, რომელიც შემდეგ ხდება დაკვირვების და კრიტიკული შეფასების ობიექტი. მრავალი დამსაქმებელი დიდ ყურადღებას აქცევს ასეთი სახის გამოცდილებას, შესაბამისად მას დიდი მნიშვნელობა ენიჭება, განსაკუთრებით კარიერის დასაწყისში.

TEFL მასწავლებლების ხელფასები შეიძლება მნიშვნელოვნად განსხვავდებოდეს ერთმანეთისაგან იმისდა მიხედვით, თუ სად ასწავლიან. უფრო მაღალანაზღაურებადი რეგიონები მოიცავს აზიას (იაპონია, ჩინეთი, სამხრეთ კორეა) და ახლო აღმოსავლეთს (საუდის არაბეთი და არაბეთის გაერთიანებული საემიროები). ყველგან, სადაც კი ასწავლიან, როგორც წესი, მათ კომფორტულად შეუძლიათ იცხოვრონ მასწავლებლის ხელფასზე, ვინაიდან დაბალანაზღაურებად ქვეყნებშიც შესაბამისად ასევე ცხოვრების მნიშვნელოვნად დაბალი ხარჯებია.